Return to Headlines

የታንክስጊቪንግ (Thanksgiving) የዕረፍት-ጊዜ - ከኖቨምበር (Nov.) 22-26 ቀን፤ ACPS ስለማራዘሙ

ውድ የACPS ቤተሰቦች፣

በሣምንት ለአምስት ቀናት በአካል ተገኝቶ (in-person) ወደመማር ከተመለስን ጊዜ ጀምሮ፤ ተማሪዎች እና ሠራተኞች ወደ ትምህርት ቤቶቻችን ከተመለሱ-በኋላ በዓላቶችን አክብረናል። የመመለሱ አንዱ-አካል ሆኖ፤ ይህን ሽግግር ለመቆጣጠር እንዲረዳና በርካታ የሆኑ ተማሪዎቻችን ባለፈው አንድ-ዓመት ከግማሽ ውስጥ የተጋፈጡትን አስቸጋሪ ነገሮችን ምላሽ በመስጠት ላይ፤ የአሌክሳንድሪያ ከተማ የሕዝብ ትምህርት ቤቶች (ACPS) አመራር እና ሠራተኞች፤ የማህበራዊ፣ ስሜታዊ፣ እና የቀለም ትምህርት (Social, Emotional, and Academic Learning (SEAL) እገዛ ላይ አጽንዖት ሰጥተው መስራታቸውን ቀጥለዋል።

ተማሪዎች ደህንነቱ በተጠበቀ እና ጤናማ የመማሪያ አካባቢ ውስጥ ሆነው መበልጸግ-መቻላቸውን ለማረጋገጥ ጠንክረን በምንሰራበት ጊዜ፤ የእያንዳንዱ በትምህርት ቤታችን ውስጥ እና በማህበረሰባችን ውስጥ ያሉ ቤተሰቦች በሙሉ ደህንነት-መጠበቁን ከግምት ውስጥ ማስገባት እንዴት ጠቃሚ-ነገር እንደሆነ ACPS ይገነዘባል። ይህን በአዕምሮአችን በመያዝ፤ አሁንም-ቢሆን ስለጤንነታችን እና የደህንነት-ጥበቃ ፕሮቶኮሎችን ሳንረሳ፣ እያንዳንዳችን እንደገና ለመታደስ እና በሕይወታችን አስፈላጊ-ከሆኑ ሰዎች ጋር ግንኙነት ማድረጊያ መልካም ጊዜ እንዲኖር በማሰብ፤ የታንክስጊቪንግ (Thanksgiving) የዕረፍት-ጊዜን በሁለት-ቀናቶች አራዝመናል። ይህም ማለት፤ ሁሉም የACPS ትምህርት ቤቶች እና ቢሮዎች፣ ከኖቨምበር (Nov.) 22-26 ቀን ድረስ ዝግ ይሆናሉ፤ ይህ ለውጥ፣ በቀሪው የ2021-22 የቀን-መቁጠሪያ (calendar) ላይ ተጽዕኖ የማያመጣ ወይም በትምህርት ዓመቱ መጨረሻ ላይ ቀናትን መጨመርን አያስከትልም።

ይህ ውሳኔ የተወሰነው፣ ተማሪዎቻችን፣ ቤተሰቦች እና ሠራተኞች በመጀመሪያዎች የትምህርት ዓመቱ ጥቂት ወራቶች ውስጥ የነበራቸውን ከፍተኛ-ደረጃ ያለውን ጭንቀት፣ በጥንቃቄ ከግምት-ውስጥ በማስገባት ነው። ይህ ለውጥ በዚያን ሣምንት ቤተሰቡ ባለው የጊዜ-ሰሌዳ ዕቅዶች ላይ ተጽዕኖ እንደሚያመጣ በመገንዘባችን፣ እና ቤተሰቦችን አሁን ማሳወቃችን የሚያዘጋጁትን ዕቅዶች ለማስተካከል ጊዜ እንዲኖራቸው ስለፈለግን ነው። ቤተሰቦች የተማሪያቸውን የመማር ፍቅርን ለመደገፍ የሚያስችላቸውን የኦንላይን የመረጃ-ምንጮችን (resources) የምናጋራችሁ ሲሆን፤ ከታንክስጊቪንግ (Thanksgiving) የዕረፍት-ጊዜ በፊት፣ በድህረ-ገጽ ላይ በሚለጠፈው - የ‘ዕረፍት-ጊዜያት መማሪያ (Break Learning)’ ላይ፣ የበለጠ ዝርዝሮች የሚጋሩ ይሆናል።

በአሁኑ-ጊዜ፣ የትምህርት ቤት የአመጋገብ አገልግሎት ቢሮው (Office of School Nutrition Services)፣ ከኖቨምበር (Nov.) 22-26 ባሉት ቀናቶች ውስጥ የምግብ ማቅረብ ሁኔታዎችን እና ሎጂስቲኮችን እያስተካከለ ሲሆን፤ ተጨማሪ ዝርዝሮች በኦንላይን እና በACPS Express በራሪ-ወረቀት (newsletter) ላይ የሚጋሩ ይሆናል። በተጨማሪም፤ ይህንን ለውጥ ለማህበረሰብ አጋሮቻችን የምናሳውቅ ሲሆን፣ እነርሱም ስለ ከትምህርት ቤት-በኋላ (after-school) እንክብካቤዎች እና እንቅስቃሴዎች፣ ከወላጆች ጋር ግንኙነት ለማድረግ ያስችላቸዋል። በዚህ በተራዘመ ዕረፍት-ጊዜ ውስጥ፤ ቤተሰቦች ተጨማሪ እርዳታዎች ካስፈለጓቸው እንዲያገኙ፤ የማህበረሰብ የመገኛ ምንጮች (Resources) እና እርዳታዎችን በማሳወቅ ላይ ACPS ይቀጥልበታል።

በዚህ ምስጋና በማቅረቢያ ጊዜ ውስጥ እያለን፤ በACPS ውስጥ ያሉትን ሁሉንም ጠንካራ እና ትጉህ ሠራተኞቻችን ጥልቅ-የሆነ አድናቆቴን በመግለጽ፣ እና ድንቅ-የሆኑ ቤተሰቦቻችን፤ ለትምህርት ቤቶቻችንና ለተማሪዎቻችን ለሚያደርጉት እርዳታቸው ምስጋናዬን ማቅረብ እፈልጋለሁ።

ከሰላምታ ጋር፣

ዶ/ር ግሪገሪ ሲ. ሃችሂንግስ (Dr. Gregory C. Hutchings, Jr.)
ጠቅላይ ስራ አስኪያጅ